Xiaomi naglunsad sa Mi VR Standalone

Xiaomi nag-sulod na karon sa negosyo sa virtual reality uban ang ilang paglunsad sa Mi VR Standalone. Sumala sa ngalan, ang device usa ka standalone nga VR package nga adunay kaugalingong processor ug built-in nga mga dula.

Ang Mi VR Standalone kay co-developed sa Xiaomi ug sa nanguna nga kompanya sa VR, Oculus. Ang headset adunay Snapdragon 821 processor, 2K fast switch nga mga screen, kaugalingong remote, 2,600mAh nga baterya, ug kapin sa 1000 ka Oculus nga gi-optimize nga mga dula. Naa kini sa duha ka memory configuration, 32GB ug 64GB.

Ang 32GB nga variant sa Mi VR Standalone kay nagkantidad og ¥1499 (~Php 12,297), samtang ang mas dako nga 64GB adunay presyo nga ¥1799 (~Php 14,758). Ang lokal nga pagpresyo ug availability wala pa ipahibalo.