Ayon kay Labor Undersecretary Benjo Benavidez, ang mga empleyado ng BPO na tumatangging mag-report nang pisikal ay hindi dapat tanggalin sa trabaho at hindi ito awtomatikong dahilan para matanggal.
Sa isang panayam, ipinaliwanag ng opisyal ng DOLE na ang desisyon na mag-work from home ay nasa employer. Ang kumpanya ang dapat magdesisyon tungkol sa bagay na iyon at ang pagtanggi na bumalik sa trabaho sa site ay hindi dapat makaapekto sa kanilang pagkakaempleyo.
Idinagdag ng undersecretary na ang mga empleyado ay maaaring mawalan ng insentibo bagaman at sa katagalan, maaari nitong ipahamak ang kanilang trabaho dahil maaring i-classify ito ng mga kumpanya bilang pagsuway.
Nang matapos ang mga alituntunin ng gobyerno na ipinatupad noong pandemya, pinayagan nito ang sektor ng BPO na panatilihin ang kanilang tax breaks kahit pa 90% ng mga empleyado ay nagtatrabaho mula sa bahay. Matatapos ang kaayusang ito sa pagtatapos ng Marso dahil nabawasan na ang mga restriksyon. Inaatasan na ngayon ng mga kumpanya ng BPO ang kanilang mga empleyado na bumalik nang pisikal sa trabaho sa kabila ng mga pakiusap mula sa PEZA at mga empleyado ng BPO.
2 Comments
Leave a Reply